Qazax Rayon İcra Hakimiyyətinin başçısı cənab Rəcəb Babaşova...  

           Bir qrup Daş Salahlı kənd sakinləri və Birinci Qarabağ müharibəsi iştirakçıları tərəfindən                             

                               Müraciət     

   Məlumat üçün bildiririk ki, şərəfli döyüş yolu keçmiş, ordu quruculuğunda müstəsna xidməti olan, şəhid  kapitan Veyisov Rəsul Əkbər oğlu,  1992 -ci il iyul ayının 7-də Qazağın Quşçu Ayrım kəndinin müdafiəsi uğrunda gedən döyüşlərdə qəhrəmancasına şəhid olmuşdur. İyul ayının 8-də Bakı şəhərində "Şəhidlər Xiyabanı"nda dəfn olunmuşdur. 1993 - cü ildə Veyisov Rəsulun adının əbədiləşdirilməsi üçün Qazax şəhərində Pedaqoji Universitetin həyətində Bulaq inşa olunmuşdur. Biz yaxın qohumları və döyüşçü yoldaşları, anım günlərində və müəyyən tədbirlərdə həmin bulağı ziyarət edirik. Ziyarət edərkən Rəsulun doğum günü, təhsili və döyüş əməliyyatlarında verdiyi əmr və tapşırıqlar xatırlanaraq şəhid olduğu gün böyük kədər hissi ilə yad edilir.

 Cənab başçı! Hazırda həmin bulaq tam yararsız hala düşüb və yararsız hala düşməsi ilə yanaşı bulaq yeni istifadəyə verilən vaxt uyğun bir yerdə inşa  olunsa da günü bu gün uyğunsuz bir yerdə olması və istifadə olunmadığı üçün  həmin yerdən digər uyğun bir yerə daşınmasını  və yenidən bərpa olunmasını sizdən xahiş edirik.  Bizə məlumdur ki, Siz Qazax rayonunda şəhid ailələri və qazilərlə bağlı bütün məsələlərə həssaslıqla yanaşırsınız. Onların ətrafında yaranmış çətin məsələləri və qüsurları tez bir vaxtda qarşısını alırsınız. Ümidvarıq ki,yuxarıda göstərilən məsələ də tez bir zamanda öz həllini tapar. Daş Salahlı kəndinin sakinləri və keçmiş döyüşçülər adından əvvəlcədən Sizə öz minnətdarliğımızı bildiririk.