Möhtərəm Prezidentimiz İlham Əliyev cənabları   iki il bundan öncə  Qazağa gələrkən Daş Salahlı kəndinin girişində gözəl şam ağacları əkildi. 

Həmin şam ağaclarının əkilməsi üçün yəqin ki, bir xeyli vəsait xərclənib...

Çox keçmədən həmin şam ağacları suvarılmadığı üçün qurumağa başladı. 

Bu barədə dəfələrlə aidiyyəti qurumlara xəbər versəm də çox təssüflər olsun ki, deyilən sözə məhəl qoyan olmadı! 

Bu barədə şəxsən RİH başçısının birinci  müavini Məmməd Alıyevə məlumat vermişəm. 

"Elnur, narahat olma, yaxın günlərdə həmin yerdə yenidən ağaclar əkiləcək" - deyə söz verdi.

 (Yeni əkilən ağaclar görəsən yenə qurumayacaqmı?)

Çox təssüflər olsun ki, söz verib əməl etmirlər. 

Daş Salahlı kəndi Qazağın ən böyük kəndi hesab olunur. Bu kəndə Bakıdan-Şəkidən gələn  qonaqların sayı hesabı yoxdur.

Kəndimizin giriş hissəsinin belə bir  biabırçı vəziyyətdə  olması, Daş Salahlı kənd sakini olaraq şəxsən mənim üçün utanc vericidir!

Bundan əlavə  min bir əziyyətlə tikilib ərsəyə gələn "Daş Salahlı" yazısı yazılan abidə kompleksi + Şəhidimiz Mayis Yaqubovun plakatının həmin yerdə olması, kəndimizin girişinə  xüsusi gözəllik versə də, kol-kos basmış həmin yer hər iki mənzərəyə kölgə salır. 

İnanıram ki, Qazax RİH başçısı  Rəcəb Babaşov   bu məqaləni görüb  aidiyyatı qurumlara öz ciddi tapşırıqlarını verəcəkdir.

Hər bir xırda məsələni gündəmə gətirib ictimailəşdirmək istəməzdim.  Ən azından rayonumuz Qazax adına da yaxşı deyil!!! Amma məcbur edirlər...