1983-də Ermənilər Qazax ərazisindən torpaq qoparmaq sevdasına düşdülər. Bunun üçün bütün resurslarını işə saldılar. Həm Moskvada, həm də Bakıda bütün şəbəkə işə düşdü. Böyük hissəsi  Qazax rayonunun Kəmərli kəndinin meşələri olmaqla, Əksipara dərəsinin, Cəfərlinin üstü, Sofulu və Barxudarlı kəndlərini Qazağa birləşdirən strateji yüksəkliklər Ermənilərə peşkəş çəkildi. Ümumilikdə 3000 hektardan çox ərazi.

Kimlər gəldi: öncə

 Azərbaycan Komminist partiyasının katibi Şamil Rəsizadə, Noyanberyan tərəfdən ermənilərlə birgə Kəmərli meşələrinə gəldi, burda yığışmış yerli əhaliyə ermənicə salam verdi. Gözünü sevdiyim, bizim eloğlu və əsasən elqızlarımız  bunu və bərabərində gətirdiyi erməniləri paya ilə bir yaxşı döydülər. Əsir kimi gətirib Kəmərlinin mərkəzində sifətlərinə tüpürdülər. Sonra Sovet höküməti, başladı repressiyaya. Dönəmin kənd rəhbərlərini (rəhmətlik İsa Bəbirov və başqalarını) istintaqa cəlb etdilər. Rəsizadənin ağzını cıran qadını qolçomaq qızı çıxardılar. Sonra Mərkəzi Komitənin ikinci katibi, rus canişini Viktor Polyaniçka gəldi  Qazağa- müxtəlif vədlər, filan. Olmadı, sonunda dönəmin Azərbaycan Rəhbəri Kamran Bağırov gəldi, Qazağa. Təxminən belə bir çıxış etdi: "Əziz həmvətənlər mənə yazığınız gəlsin. Məni 8 saat Moskvada ayaq üstə saxladılar. Təzyiq edirlər. Elə bilin mənə verirsiz, bu mən ölüm mənə bağışlayın". Sonra Bala Cəfərli kəndinin ərazisində Erməni restoranında (adını unutmuşam, sonralar bizimkilər dağıtdı oranı) Dəmirçiyanla oturub imzalayıblar, yemək yeyiblər. Deyilənə görə həmin görüşdə Dəmirçiyan Bağırovun bahalı saatını oğurlayıb.

Nəticə : 1990-cı illərdə Qazağın sərhəd kəndləri atəş altında qaldı. Bu gün işğalda olan kəndlərimiz anklava çevrildi, nəticədə işğala məruz qaldı.

P. S.  Bu gün sərhədlərin demarkasiyası gedən zaman bu faktı xatırlatmağı özümə borc bildim. Rəsmi orqanlar  oxuyub dediklərimizi nəzərə alıb araşdırsalar ölkəmizə faydası toxunar. Sovet sərhədləri deyiləndə belə faktları nəzərə almaq lazımdır. Söhbət 1929- dan,  yoxsa 1991-dən gedir.

 Bu  cür faktlar, bağışlamalar Naxçıvanda da var...