“Vesti Luqansk” telekanalı Rusiya Müdafiə Nazirliyinin mətbuat mərkəzinin zabiti Yevgeni Polovodovun atəşə tutulması nəticəsində həlak olduğunu bildirib.

Rusiya KİV-i xəbər verir ki, telekanalın çəkiliş qrupunun ukraynalı yaraqlıların atəşinə tutulduğu bildirilir. Artem Yundas və Denis Şum xəsarət alıblar və həkimlər onlara bütün lazımi tibbi yardım göstəriblər.

“Onları müşayiət edən Müdafiə Nazirliyinin mətbuat xidmətinin zabiti Yevgeni Polovodov dünyasını dəyişib. O, geridə azyaşlı uşağı olan həyat yoldaşı və anasını qoyub”, – telekanal qeyd edib.