Dünya Covid 19-la mübarizə aparır. Dövlətimiz də kifayət qədər məbləğ ayırıb. Biz də mübarizə aparırıq. Amma necə mübarizə aparılır?

İnsanlara yoxlamadan peyvənd vurulması nə dərəcəsə doğrudur? Həkimlər cavab versinlər, bir insanda antitel yoxlanmadan, onun hazırda daşıyıcı olub, olmaması dəqiqləşdirilmədən peyvənd vurulması tibbin hansı təcrübəsinin nəticəsidir?!

Peyvənd vurduranlar öncə test olunurmu?!

50-60 yaşlı insana peyvənd vurulandan sonra ağırlaşmış covid xəstəliyinə yoluxursa, 15 gün o modulda yatır, ağır günləri arxada qoyur və normallaşırsa, sabah evinə buraxılacaq, gəlin məni aparın deyillərsə, səhər adamın meyidini sahiblərinə virusdan öldü deyə verilməsinə  Covid 19 səbəb ola bilərmi?!

İnsan 15 gün ərzində danışa bilmədiyi günləri keçib, sağlam şəkildə evlə danışır, hamı ilə saatlarla ünsiyyət edib Coviddən ölməsinin açıqlaması tibbdə varmı?

Bu gün doğma bir insanımızı bu şəkildə torpağa tapşırdıq. Düşündüklərim beynimi yeyir. Covid 19 varsa, bütün tibbi yalnışlıqlar, cinayətlər bu adla ört-basdır olunacaq?!

#TƏBİB rəhbərliyinə müraciət edirəm,   Siz araşdırma aparırsızmı ki, 14 gün keçəndən sonra yaşıl işıq yandırdığınız halda, adam xəstəxanadan çıxacağı gün ölürsə, səbəbi nədir? 

Bu modulda ölənlərə sorğu-sual yoxdurmu?

Modulda insanlar üzərində ekspertiza aparılır?! 

65% buzlaşma ilə evdə müalicə edib sağalan ahıl adamlar varsa, 35 % buzlaşmadan sağaldığı halda insan modulda necə ölə bilər?!

Ümumiyyətlə müalicədən sonra adamın ölüm səbəbi necə Covid19 yaza bilirlər?!

Əgər sağaldığı halda insan ölürsə, onu tibbi ekspert  araşdırıb, ölüm səbəbinə dair rəy verirmi?!

Bu sualları rəsmi də sorğulayacam. Buradan yazıram və bilirəm ki, belə hallar çox var və ilk deyil. Mövzunu gözü kölgəli olmayan media mənsublarına da açıqdır. Hörmətli jurnalistlər xahiş edirəm siz də araşdırın. İnsanlar və insan ömrü bu qədər ucuz ola bilməz! Əməlində cinayət tərkibi olan həkimləri Covidin kölgəsində cəzadan xilas etmək olmaz!!