Bu gün Peyğəmbərin vəfatından bir qədər əvvəl, ömründə ilk və son həcci zəminində 632 ci ildə Məkkə və Mədinə arasında Qədir Xum deyilən məntəqədə xütbə oxuyaraq müsəlmanlara İmam Əlini sevmələrini və dost tutmalarını əmr etdiyi gündür.

Qədir Xum gününü ilk dəfə Büveyhilərdən Muizzüddəvlə Əhməd bin Büveyh 963 - cü ildə İraqda, Fatımilərdən də Muiz-Lidinillah 973 - cü ildə Misirdə rəsmi bayram elan ediblər.

İmam Əli bütün müsəlmanların gözünün işığıdır. Əksər müsəlmanlara görə də əshabın ən fəzilətli simasıdır. Lakin Sasani kökənli Büveyhilər və erməni vəzirli Fatimilər o şəxsiyyəti siyasi alətə çevirməyə cəhd edib İmam Əlini aşağıladır. Hətta Fatimilər o qədər aşağıladılar ki, qurduqları dövlətin adını "Ələvilər" yox, "Fatimilər" qoydular. Həzrət Əlini zəif, haqqı əlindən alındıqdan sonra onu bərpa etməyə gücü çatmayan aciz adam obrazında təqdim etdilər. Həyat yoldaşı qapı arasında sıxılıb öldürülmüş, anasının qarnından körpəsi belə salınıb tələf edilmiş, həyatı qəsb olunmuş, hətta təsərrüfatı üçün nəzərdə tutulan torpağını belə müdafiə edə bilməyən cılız və yazıq obrazda göstərdilər. Ən güclü pəhləvanları yenən "Allahın aslanını" təhqir edərək ən zəif insanlara belə məğlub olub yenik düşən simada ortaya qoyub fars riyakarlığını, hiyləsini din adı ilə qurduqları ideoloji cərəyanda Əhli Beytin üzərindən hərəkətə keçirdilər... İmam Əlinin bütün bunlara dözməsini də Peyğəmbərə bağladılar ki, guya vəsiyyət edibmiş ki, hər şeyə susarsan... Yəni, həyatı boyu haqsızlıqla mübarizə aparan adama Peyğəmbər deyib ki, sənə zülm ediləndə, mənim qızımı qapıda sıxıb öldürəndə, boynuna zəngir salınıb sürüdüləndə, Allahın təyin etdiyi imamətin əlindən alınanda sus ki, səndən sonra bu əhvalatlar yayılıb İslam aləmi qana çalxalansın, müsəlmanlar bir - birini qırsın. Hətta səndən 1400 il sonra da bu hadisələri danışıb ixtilaf etsinlər...

Peyğəmbərə bundan böyük şər, böhtan, təhqir olarmı? Əsla nə belə hadisələr olmuşdur, nə də İslam Peyğəmbəri belə sözlər demişdir. Qədir Xum hadisəsi tamamilə başqa məzmunda baş verib və bunu farslar kontekstdən çıxarıb təhrif edərək başqa istiqamətə yönəldiblər, manipulyasiya ediblər. 

Qədir Xum adlandırılan bu qondarma bayram farsların İmam Əliyə şər və böhtan bayramıdır. Müsəlmanlar arasında yaratdıqları nifaq və nifrətə İmam Əlini alət etdiklərinin, çoxunu da bu hiyləyə inandırdıqlarının sevincini yaşadıqları andır. İslamda belə bayram yoxdur. Sasani Büveyhilərdən əvvəl İslamın peyğəmbəri, Əhli Beyt, İmam Əli əsla belə bir bayram qeyd etməyib. Sonradan fars müəlliflər İmamların adına minlərlə hədis və rəvayət uydurub din içində yeni din yaradarkən bu haqda da bir neçə rəvayət istehsal ediblər.